Google ADS

Vaksina e koronavirusit: Australia shpreson të vë në qarkullim 85 milionë doza

10:38 | 7 Shtator 2020
arbresh.info

Australia ka thënë se do të sigurojë gati 85 milionë doza të vaksinës së koronavirusit nëse dy testimet premtuese tregohen të suksesshme.

Kryeministri Scott Morrison tha që vendi kishte bërë dy marrëveshje që do të lejonin qarkullimin e dozave të lira në vitin 2021 nëse aprovohen për përdorim.

Morrison vlerësoi se kostoja e tyre do të ishte rreth 1 miliard euro (1,7 miliardë dollarë australiane).

“25 milionë banorët e Australisë mund të nisin t’i marrin dozat nga muaji janar”, por nuk kishte ende “garanci”, tha kryeministri, raporton BBC.

“Sidoqoftë, marrëveshja e vë Australinë në majë të garës për vaksinë, nëse ekspertët tanë mjekësorë japin dritën e gjelbër për vaksinën,” shtoi më tej ai.

Një vaksinë është nga Universiteti i Oksfordit dhe kompania farmaceutike AstraZeneca, ndërsa tjetra është lokale nga Universiteti i Queenslandit dhe CSL-ja.

Australia ka regjistruar më shumë se 26 mijë raste me koronavirus dhe ka 769 vdekje.

Shpërndaje në rrjete sociale

Lajmet më të lexuara

Të ngjashme

Foto lajm